ਜਰਮਨ ਦੀ ਨਾਮਵਰ ਡਾਕਟਰ ਜੋਹਾਨਾ ਬਡਵਿਗ ਦਾ ਦਾਅਵਾ ਹੈ ਕਿ ਇਸ ਨੁਸਖੇ ਦੇ ਸੇਵਨ ਨਾਲ ਕੈਂਸਰ, ਸ਼ੂਗਰ ਤੇ ਬਲੱਡ ਪ੍ਰੈਸ਼ਰ, ਪਾਰਕਿਨਸਨ ਤੋਂ ਇਲਾਵਾ ਕੋਲੈਸਟਰਾਲ, ਦਿਲ ਦੀਆਂ ਬੀਮਾਰੀਆਂ, ਜੋੜਾਂ ਦੇ ਦਰਦ, ਲਿਵਰ ਆਦਿ ਅਨੇਕਾਂ ਰੋਗਾਂ ਤੋਂ ਅਰਾਮ ਮਿਲਦਾ ਹੈ।
Ñਲੋੜੀਂਦਾ ਸਮਾਨ ਲੈਣਾ- 1. ਬਿਜਲੀ ਵਾਲਾ ਹੈਂਡ ਬਲੈਡਰ ਜੋ ਭੂਕਣੇ ਵਰਗਾ ਲੰਮਾ ਹੁੰਦਾ ਜਿਹਾ ਹੁੰਦਾ ਹੈ, ਵੱਡੇ ਢਿੱਡ ਵਾਲੇ ਬਲੈਡਰ ਦੀ ਲੋੜ ਨਹੀਂ। 2. ਇਕ ਵੱਡਾ ਕੌਲਾ (ਬੌਅਲ) 3. ਦਰਮਿਆਨੇ ਅਕਾਰ ਦਾ ਮੱਗ।
ਸਮੱਗਰੀ- 1. ਘੱਟ ਫੈਟ ਵਾਲਾ ਕਟਿਜ ਪਨੀਰ ਜੋ ਫਰਟੀਨੋ, ਫਰੈਸ਼ਕੋ ਆਦਿ ਗਰੌਸਰੀ ਸਟੋਰ ਤੋਂ ਮਿਲਦਾ ਹੈ। 2. ਕੋਲਡ ਪ੍ਰੈੱਸਡ ਅਰਥਾਤ ਠੰਡੇ ਤਰੀਕੇ ਨਾਲ ਕੱਢਿਆ ਅਲਸੀ ਦਾ ਤੇਲ ਜਿਸ ਨੂੰ ਅੰਗਰੇਜ਼ੀ ਵਿਚ ਫਲੈਕ ਆਇਲ ਆਖਦੇ ਹਨ। (ਅਲਸੀ ਦਾ ਆਮ ਤੇਲ ਨਹੀਂ ਸਗੋਂ ਸਿਰਫ ਕੋਲਡ ਪ੍ਰੈੱਸਡ ਹੀ ਲੈਣਾ ਹੈ ਜੋ ਕਿ ਕਾਸਕੋ ਜਾਂ ਕਿਸੇ ਹੋਰ ਕੁਦਰਤੀ ਪਦਾਰਥਾਂ ਵਾਲੇ ਸਟੋਰ ਤੋਂ ਲਵੋ, ਜਿਸ ਨੂੰ ਇੰਡੀਆ ਵਿਚ ਕੱਚੀ ਘਾਣੀ ਜਾਂ ਕੋਹਲੂ ਦਾ ਅਲਸੀ ਤੇਲ ਕਹਿੰਦੇ ਹਨ।) 3. ਸੋਇਆ ਦੁੱਧ। 4. ਆਪਣੇ ਪਸੰਦ ਦੇ ਹਰੇ ਫਲ ਜਿਵੇਂ ਬਲੂਬੈਰੀ, ਸਟਰਾਅਬੈਰੀ, ਸੇਬ, ਨਾਸ਼ਪਾਤੀ, ਆੜੂ, ਅਲੂਚਾ ਆਦਿ। ਇਨ੍ਹਾਂ ਨੂੰ ਨਿੱਕੇ ਨਿੱਕੇ ਕੱਟਣਾ ਸਿਰਫ ਇਕ ਪਿਆਲੀ ਭਰਨ ਜੋਗੇ। 5. ਗਿਰੀ ਵਾਲੇ ਫਲ ਜਿਵੇਂ ਅਖਰੋਟ, ਬਦਾਮ, ਕਾਜੂ, ਪਿਸਤਾ, ਸੂਰਜਮੁਖੀ ਬੀਜ ਆਦਿ ਗਰਾਈਂਡਰ ਵਿਚ ਚੂਰਾ ਕਰ ਕੇ ਰੱਖ ਲਵੋ ਤਾਂ ਕਿ ਹਰ ਰੋਜ਼ ਵਰਤ ਸਕੋ।
ਤਰੀਕਾ— ਅਲਸੀ ਦੇ ਤੇਲ ਨੂੰ ਚੰਗੀ ਤਰ੍ਹਾਂ ਹਿਲਾਅ ਕੇ 3 ਵੱਡੇ ਚਮਚੇ ਤੇ ਕਟਿਜ ਚੀਜ਼ (ਪਨੀਰ) ਦੇ ਛੇ ਵੱਡੇ ਚਮਚੇ ਕੌਲੇ ਵਿਚ ਪਾ ਲਉ। ਚਮਚਾ ਭਰਨ ਵੇਲੇ ਟੀਸੀ ਨਹੀਂ ਕੱਢਣੀ, ਲੈਵਲ ਵਿਚ ਰੱਖਣੇ ਹਨ। ਹੈਂਡ ਬਲੈਡਰ ਦੇ ਮਧਾਣੀ ਵਾਲੇ ਪਾਸੇ ਨੂੰ ਸੋਇਆ ਮਿਲਕ ਵਾਲੇ ਮੱਗ ਵਿਚ ਪਾ ਕੇ ਕੁਝ ਸਕਿੰਟਾਂ ਲਈ ਚਲਾਅ ਦਿਓ। ਜਿਸ ਨਾਲ ਮਧਾਣੀ ਨੂੰ ਚਿੰਬੜਿਆ ਪੇਸਟ ਘੁਲ ਕੇ ਮੱਗ ਵਿਚ ਰਹਿ ਜਾਵੇਗਾ। ਇਸ ਦੁੱਧ ਵਿਚ ਘੁਲੇ ਪੇਸਟ ਨੂੰ ਤੇਲ ਵਾਲੇ ਕੌਲੇ ਵਿਚ ਉਲੱਦ ਦਿਓ। ਹੁਣ ਇਸ ਪੇਸਟ ਨੂੰ ਚਮਚੇ ਨਾਲ ਚੰਗੀ ਤਰ੍ਹਾ ਹਿਲਾਓ। ਰਗੜੇ ਹੋਏ ਸੁੱਕੇ ਮੇਵੇ ਦੇ ਕੋਈ ਡੇਢ ਚਮਚੇ ਇਸ ਪੇਸਚ ਵਿਚ ਚਮਚੇ ਨਾਲ ਹਿਲਾਅ ਕੇ ਚੰਗੀ ਤਰ੍ਹਾਂ ਮਿਕਸ ਕਰੋ। ਪਿਆਲੀ ਵਿਚ ਕੱਟ ਕੇ ਰੱਖੇ ਫਲ ਫਰੂਟ ਵੀ ਕੌਲੇ ਵਿਚ ਪਾ ਕੇ ਚਮਚੇ ਨਾਲ ਮਿਕਸ ਕਰ ਲਵੋ। ਮੇਵੇ ਤੇ ਫਲ ਬਲੈਡਰ ਨਾਲ ਮਿਕਸ ਨਹੀਂ ਕਰਨੇ। ਸਗੋਂ ਚਮਚੇ ਨਾਲ ਗੁਤਾਵਾ ਜਿਹਾ ਬਣਾ ਲੈਣਾ ਹੈ। ਸਾਰੀ ਸਮੱਗਰੀ ਤਿਆਰ ਹੈ ਜਿਸ ਨੂੰ ਅੱਧੇ ਘੰਟੇ ਦੇ ਅੰਦਰ ਅੰਦਰ ਛਕ ਲਵੋ। ਇਹ ਸਮੱਗਰੀ ਅੱਧੇ ਘੰਟੇ ਮਗਰੋਂ ਬੇਕਾਰ ਹੋ ਜਾਂਦੀ ਹੈ, ਇਸ ਲਈ ਰਾਤ ਨੂੰ ਬਣਾ ਕੇ ਨਹੀਂ ਰੱਖਣੀ।
ਪਰਹੇਜ਼- ਅਲਕੋਹਲ, ਮੀਟ, ਆਂਡਾ, ਡੇਅਰੀ, ਹਰੇਕ ਕਿਸਮ ਦਾ ਮਿੱਠਾ ਤੇ ਰੀਫਾਈਨਡ ਤੇਲ ਕੈਂਸਰ ਬਣਾਉਂਦੇ ਹਨ। 1 ਫੀਸਦੀ ਦੁੱਧ, ਦਹੀ ਵਰਤ ਲਵੋ। ਐਕਸਟ੍ਰਾ ਵਰਿਜਨ ਆਲਿਵ ਤੇਲ ਵਰਤੋ। ਗਰੀਨ ਟੀਅ ਸੋਇਆ ਤੇਲ ਵਿਚ ਵਾਰ ਵਾਰ ਪਾਓ। ਪੀਜ਼ਾ, ਪਕੌੜੇ, ਮੀਟ ਆਂਡੇ ਆਦਿ ਤੋਂ ਪੂਰਾ ਪਰਹੇਜ਼ ਰੱਖੋ। ਅਨਸਵੀਟਨਡ (ਮਿੱਠੇ ਤੋਂ ਰਹਿਤ) ਸੋਇਆ ਮਿਲਕ ਵਰਤੋ। ਘਰ ਕੱਢਿਆ ਤਾਜ਼ਾ ਗਾਜਰ ਜੂਸ, (ਸੇਬ ਸੈਲਰੀ ਨਾਲ) ਵਰਤੋ। ਸਟੋਰ ਵਾਲਾ ਜੂਸ ਨਹੀਂ ਵਰਤਣਾ। ਹਰੀਆਂ ਸਬਜ਼ੀਆਂ ਤੇ ਭੁੰਨੀ ਹੋਈ ਮੱਛੀ ਲਾਭਕਾਰੀ। ਯਾਦ ਰੱਖੋਂ ਪਰਹੇਜ਼ ਤੋਂ ਬਗੈਰ ਦਵਾਈ ਦਾ ਪੂਰਾ ਅਸਰ ਨਹੀਂ ਹੁੰਦਾ। ਇਸ ਦਾ ਹਾਲੇ ਤਕ ਕੋਈ ਸਾਈਡ ਇਫੈਕਟਰ ਰਿਪੋਰਟ ਨਹੀਂ ਹੋਇਆ ਹੈ। ਬੇਫਿਕਰ ਹੋ ਕੇ ਛਕੋ।
ਨੋਟ- ਖੂਨ ਨੂੰ ਪਤਲਾ ਕਰਨ ਵਾਲੀ ਦਵਾਈ ਖਾਣ ਵਾਲੇ ਲੋਕ ਇਹ ਫੂਡ ਨਾ ਖਾਣ ਕਿਉਂਕਿ ਇਹ ਫੂਡ ਵੀ ਖੂਨ ਨੂੰ ਪਤਲਾ ਕਰਦਾ ਹੈ।
